ჩვენს შესახებ | ისტორია

ორგანიზაციიის განვითარების მოკლე ისტორია

ა(ა)იპ „საქართველოს  საოჯახო მედიცინის პროფესიონალთა კავშირი“ [GFMA] დაარსდა 2003 წლის ნოემბერში.

ასოციაცია ჩამოყალიბდა ორი ასოციაციის: ოჯახის ექიმთა ასოციაციისა (1995-2003) და ზოგადი პრაქტიკის/ოჯახის ექიმთა მასწავლებლების ასოციაციის  (2001-2003) გაერთიანების საფუძველზე.

კავშირში გაერთიანდა ოჯახის ექიმები, ზოგადი პრაქტიკის ექთნები და მენეჯერები, პირველადი ჯანდაცვის მხარდამჭერი სხვა პროფესიონალები, ის ინტელექტუალური პოტენციალი, რომელიც საქართველოს სხვადასხვა რეგიონში საოჯახო მედიცინის მოდელის ჩამოყალიბების მიზნით 1997-2003 წლებში შეიქმნა.

კავშირში გაერთიანებულნი არიან, აგრეთვე, უმაღლესი სამედიცინო სკოლების პროფესორ-მასწავლებლები, რომელთა ექსპერტული ცოდნა და გამოცდილება უდავოდ ღირებულია საოჯახო მედიცინის სფეროში მყარი აკადემიური საფუძვლების ჩამოსაყალიბებლად.

2004 წლიდან საოჯახო მედიცინის პროფესიონალთა კავშირი გახდა ოჯახის /ზოგადი პრაქტიკის ექიმების ნაციონალური კოლეჯების, აკადემიების და აკადემიური ასოციაციების მსოფლიო ორგანიზაციის  “Wonca World“ და „Wonca Europe”-ს ნამდვილი წევრი.

კავშირის მისია ეფუძნება საოჯახო მედიცინაში პროფესიული მზადების, კვლევის, კლინიკური საქმიანობის  და ზოგადად, ზოგადსაექიმო პრაქტიკის/საოჯახო მედიცინის,  დისციპლინის პრინციპების დამკვიდრებას. 

მისი ამოცანებია:

• საქართველოში საოჯახო მედიცინის სფეროში მოღვაწე პროფესიონალების: ოჯახის ექიმების, ზოგადი პრაქტიკის ექთნებისა და მენეჯერების მაღალი პროფესიული სტანდარტების დასახვა  და შენარჩუნება

• საოჯახო მედიცინის მოდელის ფუნქციონალური მახასიათებლების შეფასება

• საოჯახო მედიცინის სფეროში მოღვაწე პირთა პროფესიული განვითარება  დიპლომამდელი და დიპლომისშემდგომი წვრთნის პროგრამების მომზადებაში აქტიური მონაწილეობისა და მათი პრაქტიკული განხორციელების ხელშეწყობის გზით

• ზოგადი საექიმო პრაქტიკისათვის უახლეს მეცნიერულ ფაქტებზე დამყარებული გაიდლაინების შემუშავება და მათი პრაქტიკული დანერგვის ხელშეწყობა

• ზოგადი საექიმო პრაქტიკის დარგში სამეცნიერო-კვლევითი საქმიანობის დანერგვა. ამ გზით არსებული პრობლემების გამოვლენა და მათ აღმოსაფხვრელად პრაქტიკული ღონისძიებების გეგმების შემუშავება, მათი ორგანიზაცია და კოორდინაცია საქართველოს მოსახლეობის პირველადი სამედიცინო მომსახურეობის ეფექტურობის ამაღლების მიზნით

• საოჯახო მედიცინის დარგში მსოფლიოს სხვადასხვა ქვეყნების გამოცდილებისა და უახლესი მიღწევების შესწავლა და მათი დანერგვა საქართველოს სამედიცინო პრაქტიკაში

• საქართველოს და უცხოეთის ქვეყნების სამთავრობო და არასამთავრობო ორგანიზაციებთან თანამშრომლობა საქართველოში საოჯახო მედიცინის განვითარების მიზნით

• საქართველოში საოჯახო მედიცინის მოდელის ფარგლებში ჯანდაცვის პროფესიონალთა პროფესიული უფლებებისა და ინტერესების დაცვა, აგრეთვე მათი პრაქტიკული საქმიანობის ხელშეწყობა.

​​

„საქართველოს საოჯახო მედიცინის პროფესიონალთა კავშირის“ ძირითადი აქტივობები და პირველი ნაბიჯები:

• საქართველოში საოჯახო მედიცინის მოდელისათვის სამართლებრივი საფუძვლების ჩამოყალიბება

• კავშირის ვებ-გვერდის შექმნა, რათა ყველა დაინტერესებულ მხარეს (ასოციაციის წევრებს, სასწავლო პრაქტიკებს, ინდივიდუალურ პირებს, ექიმებს, ექთნებს და სხვ.) ჰქონდეს უზრუნველყოფილი საოჯახო მედიცინის განვითარების შესახებ უახლეს ინფორმაციასა და სასწავლო პროგრამებზე ხელმისაწვდომობა

• საინფორმაციო წერილების შექმნა და გავრცელება ისეთ საკითხებზე, რაც დაკავშირებულია საოჯახო მედიცინაში საერთაშორისო მიმართულებებსა და სხვა ქვეყნებში ჩვენი კოლეგების გამოცდილებასთან 

• საოჯახო მედიცინის მასწავლებელთა ქსელების გაძლიერება მასწავლებელთა შეხვედრების პროგრამების განვითარებითა და ორგანიზებით

• სწავლების პროცესში მიღებული ცოდნის პრაქტიკული გამოყენების შეფასების ორგანიზაცია

• პროფესიული სწავლებისა და უწყვეტი პროფესიული განვითარების პროგრამების შექმნა და იმპლემენტაცია

• პირველადი ჯანდაცვის  სტანდარტების, გაიდლაინების/პროტოკოლების/ გზამკვლევების შექმნა/დანერგვაში აქტიური მონაწილეობა.

• მტკიცებულებებზე დაფუძნებული მედიცინის  კლინიკურ პრაქტიკაში ტრანსლაციის ხელშეწყობა, რაც თავისთავად მყარ საფუძვლებს შექმნის   პირველადი ჯანდაცვის საუკეთესო პრაქტიკების განვითარებისათვის.

• საოჯახო მედიცინაში გადამზადების რეზიდენტურის  კურსის შექმნა

• ოჯახის ექიმთა სერტიფიცირებისათვის შეფასების ინსტრუმენტების მომზადება

• ოჯახის ექიმთა, ზოგადი პრაქტიკის ექთანთა პრაქტიკის მენეჯერთა დროებითი დებულებების შექმნა,  წარდგენა და საქართველოს შრომის, ჯანმრთელობისა და სოციალური დაცვის სამინისტროს მიერ მათი დამტკიცება

• სასწავლო მასალების შექმნა ოჯახის ექიმთათვის, მენეჯერთათვისა და ზოგადსაექიმო პრაქტიკის ექთანთათვის

• სასწავლო მასალების შექმნა ოჯახის ექიმთათვის, მენეჯერთათვისა და ზოგადსაექიმო პრაქტიკის ექთანთათვის

• იმერეთის, აჭარისა და შიდა ქართლის “ოჯახის ექიმთა გადამზადების პროგრამის” განხორციელების სუპერვიზია

• უწყვეტი სამედიცინო განათლების აკრედიტირებული პროგრამები პირველადი ჯანდაცვის ექიმებისა და ოჯახის ექიმთა მასწავლებლებისათვის;

• მრავალარჩევანიანი კითხვარების შემუშავება პირველადი ჯანდაცვის დონეზე მომუშავე უბნის თერაპევტებისა და პედიატრებისათვის რეზიდენტურის პროგრამაში ჩასარიცხი შესარჩევი კონკურსისათვის.

• საოჯახო მედიცინის ტრენერების ქსელების გაძლიერება მასწავლებელთა რეგულარული შეხვედრების პროგრამებისა შექმნისა და ორგანიზების გზით

• მიმდინარე პროგრამების შეფასება და უწყვეტი პროფესიული განვითარებისათვის  ახალი პროგრამების განვითარება, რათა მიღწეულ იქნას მდგრადი, საჭიროებების შესაფერისი და აკრედიტებული საოჯახო მედიცინის მომსახურების მიწოდება საქართველოს მთელი მოსახლეობისათვის. 

• საოჯახო მედიცინის პროფესიონალების ინდივიდუალური საქმიანობის შეფასების სქემების განვითარება (workplace appraisal schemes).

• კლინიკური ევალუაციის ინსტრუმენტების შემუშავება და დანერგვა სამუშაო ადგილებზე საქმიანობის შეფასების მიზნით.

• ჩატარდა საქმიანობის ფრაზირებისა და  კლინიკური ევალუაციის პროგრამის პილოტირება; აღნიშნული პროგრამების დანერგვა  გაგრძელდა აჭარაში, იმერეთისა და კახეთის რეგიონებში.

• საოჯახო მედიცინის სასწავლო ცენტრების ევალუაციის ინსტრუმენტების შემუშავება, პილოტირება იმერეთის რეგიონულ სასწავლო ცენტრში და შემდგომი წარდგინება სხვა სასწავლო ცენტრების შეფასების მიზნით.

• სტანდარტებისა და მარეგულირებელი მექანიზმების განვითარება.

• თვითშეფასებისა და კოლეგიალური განხილვების დანერგვა-წარდგინება საგანმანათლებლო ციკლის დასრულების მიზნით

• საოჯახო მედიცინის პროფესიონალთა კავშირის ვებ-გვერდის შექმნა  www.gfma.ge, რათა ყველა დაინეტერესებულ პირს/მხარეს ჰქონდეს საოჯახო მედიცინის განვითარების შესახებ უახლეს ინფორმაციასა და სასწავლო პროგრამებზე ხელმისაწვდომობა

• საინფორმაციო წერილების შექმნა და გავრცელება ისეთ საკითხებზე, რაც დაკავშირებულია საოჯახო მედიცინაში საერთაშორისო მიმართულებებსა და სხვა ქვეყნებში ჩვენი კოლეგების გამოცდილებასთან

• და სხვ.